Djali i ish-kryeministrit të Italisë firmos në Serinë A

Në përgjithësi fëmijët ndjekin gjurmët e prindërve, por Francesco Renzi do të jetë lojtari më i ri i skuadrës së Udineses.

Shumë njerëz mund ta përflasin këtë lajm duke thënë se babai i tij duhet të ketë ndikuar. Por nuk është ashtu. Djali i ish-kryeministrit të Italisë, Mateo Renzit, iu nënshtrua provës që i nënshtrohen të gjithë ata që duan të bëhen lojtarë të Udineses.

Më parë, 17-vjeçari ka dhënë edhe provat te ekipi i Genoa-s dhe trajneri Perineti e komentonte kështu djaloshin: “Francesco është një futbollist që shënon dhe ka kualitet. Nuk ka rëndësi fare mbiemri që mban, ai është inteligjent dhe ka një fizik të mirë.”