Kylian Mbappe po udhëheq më së miri i vetëm PSG-në, edhe pse mungojnë dy liderë, si Neymar dhe Cavani. Ashtu sic bëri në Champions League, sulmuesi francez shënoi sërish duke i dhënë fitoren 1-0 ekipit të tij në St.Etienne.
Pjesa e parë ka përfunduar në barazim pa gola dhe kur po mendohej se vetëm mund të ndalnin gjigantin e Francës, ka ardhur goli i Mbappe në minutën e 73-të, që do të rezultonte vendimtar.
Ishte goli i 19-të për talentin francez në kampionat, tre më pak se Messi, që kryeson me 22 gola në Europë. I vetmi që mund të rrezikojë fituesin e “Këpucës së Artë” europiane është pikërisht Mbappe.
Fitorja e 20-të për PSG-në në kampionat, teksa regjistron edhe 2 barazime dhe 1 humbje, plot 12 pikë i shkëputur nga Lille e vendit të dytë, por kampionët në fuqi kanë edhe 2 ndeshje më pak.
VAZHDO TË LEXOSH MË TEPËR PËR TEMËN
“Merreni tani, pas 5 vitesh do duhen 50 mln £”
“Çmendet” Mbappe, 4 gola ndaj Lyon
