23.02.2019 - 22:13
Sulmuesi i Kombëtares shqiptare, Sindrit Guri, më në fund është kthyer te goli në kampionatin belg të futbollit, pas më shumë se gjashtë muajsh nga goli i parë që kishte realizuar në këtë kampionat.
Sulmuesi i përfaqësueses shqiptare gjeti rrjetën sot në takimin ndaj Cercle Brugge, një rival direkt për rënien nga kategoria, ku takimi përfundoi 2-2.
Ekipi kundërshtar shënoi në minutën e 64-t të ndeshjes, por Guri, i aktivizuar në minutën e 70 të takimit, iu deshën vetëm 5 minuta në lojë që të dërgonte sferën në rrjetë.
Sulmuesi shënoi me një goditje me kokë, duke barazuar për skuadrën e tij. Golin e parë të tij në këtë sezon Guri e kishte shënuar në ndeshjen e gushtit ndaj Anderlecht, ku skuadra e tij u mund me shifrat 5-2.
