Kreu i Drejtorisë së inspektimit në Prokurori Sokol Stojani ka dhënë dorëheqje, pasi nuk pranoi që të hetojë 10 kolegët e tij prokurorë lidhur me çështjen ‘Shullazi’. Kujtojmë Arta Marku nisi dje një hetim disiplinor për 10 prokurorë, pasi ata nuk pranuan që të ishin pjesë e shortit për këtë çështje.
Prokurorët ‘rebelë’ janë Olsian Çela, Behar Dibra, Sonila Muhametaj, Arenc Çela dhe Edvin Kondili. Po ashtu do hetohen edhe Pranvera Pustina, Eugen Beçi, Blerim Tominaj si dhe Besim Hajdarmataj.
Këta prokurorë refuzuan hedhjen e shortit në procedimin penal në gjykim në ngarkim të të pandehurve Emiljano Shullazi, Gilmando Dani, Endrit Qyqja, Endrit Zela dhe Blerim Shullazi, të cilët ndodhen pas hekurave për një sërë akuzash.
Dosja e Emiliano Shullazit vijon të jetë një temë e nxehtë në Prokurorinë e Krimeve të Rënda, ndërkohë që sot u përcaktuan emrat e prokurorëve, dy prej të cilëve janë Donika Prela dhe Gentian Osmani.
Pretencën për çështjen “Shullazi” do të jepet më 25 shtator.
Një ditë pas urdhrit të Arta Markut për hetim displinor për 10 prokurorët që refuzuan shortin për çështjen “Shullazi”, këta të fundit sot kanë paditur kryeprokuroren e përkohshme, duke e akuzuar për shpërdorim detyre ndërsa kanë ngritur edhe padi civile për shfuqëzimin e urdhërit të Markut.
VAZHDO TË LEXOSH MË TEPËR PËR TEMËN
Refuzuan ‘Shullazin’/ Arta Marku: Të hetohen 10 prokurorët
‘Shullazi’, caktohen prokurorët, emrat mbahen të fshehtë
