Chelsea i ka shkaktuar humbjen e parë sezonale Liverpool në të gjitha kompeticionet, duke fituar 2-1 në “Anfield”, por ajo çfarë është më e keqja, të kuqtë janë eliminuar që në turin e dytë të Carabao Cup.
Ndeshja nisi me një ritëm të lartë megjithëse trajnerit kishin zgjedhur të linin pushim yjet e ekipit si Salah apo Hazard. Gjithsesi, skuadrat angleze kanë vërtetuar se janë shumë kompetitive dhe kanë një stol për t’u admiruar.
Më në fund erdhi shansi i Fabregas apo Morata. Dhe ishin pikërisht këta të dy që regjistrojnë mundësinë më të mirë për të shënuar në minutën e 20’. Morata merr një top të mrekullueshëm brenda zonës, por goditja e tij pritet nga Mignolet.
⚽️ Carabao Cup: LIVERPOOL 1-2 CHELSEA | Eden Hazard’s masterclass destroys Liverpool at Anfield! pic.twitter.com/SpwZ20Kj4X
— CY☆9NEXUS (@D9INE_NEXUS_) September 26, 2018
Afër fundit të pjesës së parë ishin Mane dhe Keita me dy raste të mira që kanë rrezikuar portën e Caballero-s, por në të dy momentet portieri argjentinas tregohet vigjilent.
Pas pushimit Liverpool tregohem më agresiv dhe Sturridge humbet një rast me portën e boshatisur përpara se të zhbllokojë rezultatin në minutën e 58’ në mënyrë fantastike.
GOL! Liverpool 1-2 Chelsea (85’ Hazard)
AMAZING GOAL??? pic.twitter.com/JAiPSmVDd2
— Gol Video TV (@GolVideoTV3) September 26, 2018
Sarri mundohet të reagojë duke futur në fushë Hazard, por Liverpool mbetet në kontroll të ndeshjes teksa Blutë duken të lodhur. Por një goditje dënimi ndryshon gjithçka. Pas një topi të devijuar nga portieri, Emerson shtyn topin në rrjetë duke barazuar rezultatin.
Sturridge mundohet të rikthejë avantazhin, por traversa i mohon një gol nga distanca. Por një aksion më pas Eden Hazard e merr situatën në dorë dhe shënon një gol fantastik pas një aksioni personal. Chelsea përmbys gjithçka në Anfield dhe kalon në raundin e 4-t.
Ndërkohë Arsenal ka bërë detyrën ndaj Brentford brenda në Emirates, duke fituar 3-1. Skuadra e Emery nuk ka zhgënjyer përpara tifozëve megjithëse nuk e ka pasur edhe aq të lehtë sa ishte parashikuar.
