Vllaznia po imiton Tiranën e sezonit të kaluar në Kategorinë e Parë, teksa ka marrë tri pikë të tjera dhe kryeson e vetme Grupin A. Shkodranët mposhtën Dinamon bashkëkryesuese me rezultatin e pastër 2-0.
Autorë të golave ishin Alsid Tafili dhe braziliani Junior. Një ndeshje e dominuar nga kuqeblutë, që morën fitoren e tretë radhazi në kampionat. Vllaznia e kërkoi nga fillimi fitoren dhe në pjesën e para rrezikoi disa herë, por pa mundur dot që të shënojë.
Zogaj ishte ai që rrezikoi me kokë, ndërsa Sheta me kokë për pak sa nuk pati shënuar në portën e tij. Sefa rrezikoi me një goditje dënimi portën e shkodranëve, por nuk pati asnjë gol.
Në pjesën e dytë sërish Zogaj ai që rrezikoi për Vllazninë. Më pas tentoi edhe Krymi nga distanca. Ndeshja u zhbllokua në minutën e 52-të, kur Tafili me një goditje potente brenda zonës mposhti portierin Laço.
Ky i fundit u bë shpëtimtar për të tijtë në disa raste. Gocaj kishte një mundësi të artë shënimi i vetëm me portierin mik, pa sukses. Në të 83’ erdhi edhe goli i dytë me autor brazilianin Junior.
Minutat në vazhdim nuk sollën ndonjë gjë të re dhe Vllaznia mori tre pikët e radhës. Detyrim për ta, pasi rikthimi në Superiore është një objektiv që nuk duhet të vihet në diskutim.
Vllaznia – Dinamo 2-0
Tafili 52’, Junior 83’
Vllaznia: Sherri, Gocaj (Hajdari 77’), Ignat, Zeqaj, Gurishta, Krymi, Tafili, Ruqi (Marku 48’), Lika, Zogaj, Junior (Malota 86’). Trajner: Hasan Lika
Dinamo: Laço, M.Nuriu, Muça, Sheta, Selimaj, R.Nuriu, Topalli (Vrapi 49’), Sefa (M.Çema 60’), Puci, Prendi (Dingu 66’), Lala. Trajner: Igli Allmuça
Kartonë të verdhë: Krymi 33’ / Selimaj 44’, Muça 70’
VAZHDO TË LEXOSH MË TEPËR PËR TEMËN
