Manchester City nuk njeh humbje në Premier League. Me një bilanc prej 8 fitoresh, 2 barazimesh dhe asnjë humbje, me një golaverazh 27 gola të shënuar dhe vetëm 3 të pësuar, ekipi i drejtuar nga Pep Guardiola rimerr kreun e klasifikimit, teksa sot ka mposhtur 1-0 në transfertë Tottenham.
Ka mjaftuar një gol i Mahrez në minutën e gjashtë të takimit, teksa Sterling dha një assist perfekt. Ishte një gabim i mbrojtjes vendase, që solli edhe golin e vetëm të ndeshjes, që do të rezultonte vendimtar për fatet e sfidës.
Ishte një ndeshje nën kushte jo të mira për shkak të fushës së rënduar, e cila nuk lejoi ekipet të shfaqnin potencialin e tyre në aspektin teknik. Harry Kane mund të kishte barazuar rezultatin pak minuta më pas, por ai gaboi rëndë ballë për ballë me Ederson duke i falur topin portierit.
Pas pushimit City vazhdoi të kontrollonte ndeshjen dhe Sterling mund të kishte dyfishuar. Të njëjtën gjë bëri edhe Aguero pak më vonë. Tottenham zgjohet në dhjetë minutat e fundit dhe mundohet të bëjë diçka. City ruan avantazhin me vështirësi dhe ka marrë një fitore të rëndësishme.
VAZHDO TË LEXOSH MË TEPËR PËR TEMËN
Manchester United kalon me sukses Everton
Bind Chelsea, Arsenal ndalet pas 11 fitoreve
