MENU
klinika

Nga The Economist

Po nëse në Brazil zgjedhjet i fiton Jair Bolsonaro?

28.10.2018 - 14:52

Brazilianët përballen me një zgjedhje të tmerrshme. Kandidati më popullor, që duket se do të zgjidhet president i Brazilit është Jair Bolsonaro, një kandidat, i cili adhuron diktaturën dhe armët, shtyn policinë të vrasë kriminelë, kërcënon të dëbojë kundërshtarët dhe paragjykon gratë, njerëzit me ngjyrë dhe homoseksualët.

Rivali i tij është Fernando Haddad nga Partia e Punëtorëve. 13 vitet e saj në pushtet, nga viti 2003 deri në vitin 2016, përfundoi me një depresion ekonomik.

Krimi është shtuar shumë vitet e fundit. Afro 64,000 njerëz u vranë në Brazil vitin e kaluar, një numër rekord. Kuptohet, brazilianët janë të zemëruar. Tani ata janë të gatshëm të zgjedhin Bolsonaron, një populist me instinkte autoritare, si president të tyre.

Që një njeri i tillë të udhëheqë vendin më të madh të Amerikës Latine mund të konsiderohet një tragjedi.

Zgjedhja e mundshme e Bolsonaros do të përbëjë një sfidë të re: një president me impulse autokratike mund të shkatërrojë demokracinë e Brazilit. Është e rëndësishme që politikanët e të gjitha ideologjive të bashkohen në këtë rast. Por nëse Bolsonaro paraqet ide të mira për përmirësimin e ekonomisë dhe kontrollin e korrupsionit, ata duhet ta ndihmojnë.

kolana e librave

Brazili është një demokraci relativisht e re; diktatura mori fund në vitin 1985. Por kjo nuk është një dobësi.

Shtypi tashmë po sulmon Bolsonaron, dhe për këtë arsye, ashtu si Donald Trump, ai e akuzon shtypin për përhapjen e lajmeve të rreme.

Institucione të tilla mund të pengojnë disa nga planet e zotit Bolsonaro. Propozimi i Bolsonaros për t’u tërhequr nga marrëveshja e klimës së Parisit po e alarmojnë botën. Kongresi dhe grupet e aktivistëve duhet ta kundërshtojnë këtë.

Jo të gjitha idetë e Bolsonaros janë të këqija. Ai ka treguar shumë interes në zgjidhjen e problemeve kryesore ekonomike të Brazilit. Nëse ai e ka seriozisht lidhur me reformimin e sistemit të pensioneve, që kërcënon stabilitetin financiar të Brazilit, kongresi duhet të bashkëpunojë.

Tashmë Bolsonaro ka dëmtuar kulturën demokratike të Brazilit duke lavdëruar ish-diktaturën, dhe duke insistuar se kundërshtarët politikë janë armiq të shtetit. Retorika e tij mund t’i bëjë brazilianët më të hapur ndaj autokracisë në të ardhmen. Për të përballuar këtë, Brazili ka nevojë për një opozitë që mbron normat demokratike.

VAZHDO TË LEXOSH MË TEPËR PËR TEMËN


Po përmbyset sundimi i ligjit

Fundi i demokracisë së Brazilit….