Napoli është ndalur në momentin më të mirë që po kalonte, si në Serie A, ashtu edhe në Champions League. Dhe futbolli është i habitshëm, Napoli mposht PSG-në në Paris dhe ndalet nga Roma 1-1 në “San Paolo”, kur vetëm një javë më parë verdhekuqtë ishin mundur në shtëpi nga SPAL.
Ishin miqtë nga Roma që kanë surprizuar në minutën e 14-të me anë të El Shaarawy. Vendasit nisin të organizoheshin, por verdhekuqtë janë të rrezikshëm sa herë dalin para. Megjithatë, pjesa e parë përfundon 0-1.
Në të dytën, Napoli shton ritmin, përpjekjet janë maksimale. Duhej të vinte minuta e 90-të që Mertens të barazonte, duke shmangur kështu humbjen. Për nga mënyra si shkoi ndeshja, një pikë e fituar nga Napoli dhe 2 të lëna nga Roma.
Napoli humb terren nga Juventus kryesues, që shkëputet edhe 2 pikë të tjera pas javës së 10. Napoli dhe Roma duket se më shumë i kanë prishur punë njëri-tjetrit me barazimin e fundit…
VAZHDO TË LEXOSH MË TEPËR PËR TEMËN
Dygolësh i Ronaldos, Juve përmbys Empolin
