MENU
klinika

Kategoria Superiore, java 7

Skënderbeu “shfryn” Kukësin, tani i dyti

04.10.2018 - 19:44

Skënderbeu është rikthyer te fitorja pas humbjes së pak ditëve më parë në Durrës, teksa ka mundur Kukësin në shtëpi me rezultatin minimal 1-0. Të besuarit e Orges Shehit ju falë një goli të Nazmi Gripshit, i cili i dha avantazhin skuadrës së tij që në pjesën e parë.

Thyhet në këtë mënyrë Kukësi, i cili ishte në një moment mjaft të mirë, kjo për faktin se vinte nga 4 fitore radhazi në kampionat. Të besuarit e Cungut nuk arritën që të merrnin pikë në fushën e kampionëve në fuqi, që në këtë ndeshje u sollën si të tillë.

Skënderbeu, pavarësisht ndryshimeve të shumta që ka bërë nuk “harroi” se është kampioni në fuqi, por i dha një sinjal të qartë të gjithëve se edhe këtë edicion do të pretendojë titullin.

goli i Gripshit on Vidnews.

Ndeshja nisi mirë për vendasit që për minuta të tëra dominuan dhe u shpërblyen pak pasi ishte mbushur çerek ore lojë. Muzkaka harkoi nga e djathta, në shtyllën e dytë Gripshi ishte harruar nga mbrojtja kuksiane dhe 21-vjeçari nuk e pati aspak të vështirë që të shënonte.

Skënderbeu nuk e uli ritmin, pasi kishte mundësinë sërish të shënonte sërish. Pas një depërtimi nga e djathta, Zguro humbi ekuilibrin dhe preku topin me dorë brenda zone. Meta akordoi 11-metërsh dhe Muzaka e mori vetë përsipër ekzekutimin, por gaboi duke e nxjerr topin jashtë.

Në fraksionin e dytë Kukësi nisi që të reagonte disi, por nuk mundi që të  gjente golin, edhe pse ngacmoi më shumë. Juglindoren po ashtu ishin të qetë dhe kontrolluan gjithçka me shuam kujdes deri në fund.

Penalltia e shkaktuar nga Zguro on Vidnews.

konica sportkonica sport mobile

Skënderbeu parakalon në renditje Kukësin dhe Laçin e tani shkon në kuotën e 14 pikëve, vetëm 2 më pak se Partizani kryesues. Në anën tjetër Kukësi mbetet në kuotën e 13 pikëve dhe ndan vendin e tretë me Laçin.

Ndeshja e ardhshme për Skënderbeun do të jetë ajo me Luftëtarin të dielën në Gjirokastër, ndërsa Kukësi do të luajë një ditë më vonë ndaj Partizanit.

Skënderbeu – Kukësi  1-0

Gripshi 16′

Skënderbeu: Teqja, Vangjeli, Radas, Aliti, Abazi, Dita, Muzaka (Guindo 90+3′), Demte, Gripshi (Fili 72′), Bregu, Oto Xhon (Krasniqi 62′). Trajner: Orges Shehi.

Kukësi: Frashëri, Maliki, Cuculi, Shameti, Zguro (Ethemi 45′), Dzaria, Shkodra, Tigruxha (Harba 87′), Uilliam, Çyrbja (Kalaja 60′), Rexhinaldo. Trajner: Armando Cungu.

Kartonë të verdhë: Radas 66′ /Zguro 32′, Maliqi 43′, Cuculi 84′

Gjyqtarë: Kridens Meta, Denis Rexha,  Dojando Myftari, Ermal Barushi

VAZHDO TË LEXOSH MË TEPËR PËR TEMËN


Kategoria Superiore, java 7

“Ringjallet” Tirana, bie Flamurtari