U mendua se Bayern Munchen e kaloi krizën, madje publikisht drejtuesit bavarezë ia vunë fajin medias, por humbja 3-2 ndaj Dortmundit dhe fakti që tashmë gjenden -7 pikë nga verdhezinjtë, ka lëkundur shumë pozitat e trajnerit Niko Kovaç.
Siç raporton “OK DIARIO” në Spanjë, drejtuesit bavarezë i kanë paraqitur një ofertë për stolin Zinedine Zidane. Francezi është pa ekip, që kur u dorëhoq nga Reali Madrid në fundin e sezonit të kaluar.
Kjo ofertë duket e parefuzueshme, por priten zhvillime të reja, edhe pse ditët e fundit, në intervista për shtyp, drejtuesit e Bayen kanë deklaruar se do vazhdojnë t’i besojnë kroatit Kovaç.
Nuk është hera e parë që emri i Zidane lëkund pankinat europiane, kur kujtojmë që edhe Mourinho mund ta kishte pësuar. Zidane gjithashtu lakohet edhe si drejtor i përgjithshëm i Juventus, pa harruar ofertën faraonike nga Katari për Botërorin 2022.
VAZHDO TË LEXOSH MË TEPËR PËR TEMËN
Dortmund përmbys Bayern, nis shkëputjen
Bayern konfirmon Kovaç, faji i kalon medias
