25.11.2018 - 10:35
Pak ditë më parë u zyrtarizuan zërat se Justin Bieber dhe modelja Hailey Baldwin i dhanë fund beqarisë.
Ndërsa e shtuna ishte sërish e veçantë për modelen, e cila festoi 22-vjetorin e saj të lindjes. Në ditën e veçantë të saj, ajo mori një dhuratë të çmuar nga bashkëshorti Justin Bieber. Një varse me diamante me emrin ‘Bieber’.
Modelja tregoi suprizën në një postim në “InstaStory”, ku ndau edhe disa momente nga ditëlindja me Justin.
Hailey dhe këngëtari u martuan në shator dhe ajo ndryshoi emrin e saj ligjor në “Hailey Rhode Bieber”. Gjithashtu modelja e ndryshoi mbiemrin edhe në rrjetet sociale nga Baldwin në Bieber.
