Presidenti i Republikës, Ilir Meta, së bashku me politikanë, përfaqësues të komuniteteve fetare si dhe diplomatë të huaj, janë mbledhur në një pritje shtetërore në Pallatin e Brigadave.
Të gjithë të përmendurit janë mbledhur në kuadër të Festës së Flamurit dhe Ditës së Pavarësisë.
Pasi u ekzekutua himni shqiptar, ku mes të pranishmëve ishin Ilir Meta, kryeparlamentari Gramoz Ruçi, si dhe kryeministri Edi Rama dhe gruaja e tij, Linda Rama, i pari që hapi fjalën ishte presidenti i Republikës.
Gjatë fjalës së tij Meta tha se Shqipëria duhet të zgjidh çështjet e emigracionit.
“I nderuar kryetar i Kuvendit zoti Ruçi, kryeministër zoti Rama, ministra e deputetë, përfaqësi fetare. Jemi mbledhur për të festuar sot sëbashku, ditën e sakrificës.
Është një ngjarje që na bën të ndihemi mirënjohës pa fund. Është një moment historik që na bashkon më shumë se kurrë në luftën e lirisë dhe sovranitetit.
Historia dhe vepra e Skënderbeut është sa shqiptare por edhe europiane. Këtë ndjenjë e përjetova dhe në takimin me arbëreshët. Në këtë vit u bashkuan dy 28 nëntor të lavdishëm.
Shqipëria duhet të zgjidh çështjet e emigracionit. Kjo është kambanë alarmi për klasën politike për të krijuar kushte për të rinjtë.
Sfidat kërkojnë bashkëpunim për një klimë politike konstruktive, ku të drejtat njerëzore duhet të jenë prioritet i të gjithëve”, pohoi Meta.
VAZHDO TË LEXOSH MË TEPËR PËR TEMËN
28 nëntori bën bashkë Ramën e Metën
