Kukësi ka harruar të fitojë dhe në sfidën e fundit të javës së 13-të nuk ka shkuar më shumë se në një barazim 1-1 përballë Teutës, ndeshje e luajtur në “Selam Stërmasi”.
Kur u duk sikur frenat e lojës po i merrte në dorë Kukësi, erdhi dhe goli i durrsakëve. Kamara mori rolin një qendërsulmuesi, pas daljes së Latif të dëmtuar, por rezultoi një lëvizje e goditur, pasi pikërisht lojtari nga Guinea kaloi bregdetarët në avantazh.
Reginaldo gjeti rrugën e rrjetës me fillimin e pjesës së dytë, pasi Shkodra shërbeu saktë. Minutat e mbetura sollën pak raste të rrezikshme, me ekipet që kishin një farë frike për të mos e humbur ndeshjen.
KUKËSI – TEUTA 1-1
Reginaldo 49′ / Kamara 30’
Kukësi: Frashëri, Maliki, Shameti, Cuculi, Zguro (Qaqi 67′), Et’hemi (Çyrbja 78′), Shkodra, Dzaria, Shafik (Kalaja 79′), Shpehar, Reginaldo. Trajner: Armando Cungu.
Teuta: Hidi, Gjorgievski, Shkalla, Kamara (Ndreca 87′), Beqja, Sidibe, Avdyli (Gashi 62′), Osmani, Kallaku, Progni, Latif (Vecaj 28′). Trajner: Bledi Shkëmbi.
Kartonë të verdhë: Zguro 29′, Shameti 76’/ Beqja 37′, Avdyli 43′, Osmani 88′
Gjyqtarë: Kridens Meta, Rudin Preca, Ani Kociaj, Orlando Kuka
VAZHDO TË LEXOSH MË TEPËR PËR TEMËN
Skënderbeu fiton në fund, përgjigjet Partizani
