Ende pa u shuar jejoha e sfidës mes Conor McGregor dhe Khabib Nurmagomedov, nesër një tjetër sfidë spektakolare pritet të zhvillohet në New York. Sfida kryesore e UFC-230 është ajo mes kampionit të botës në peshën e rëndë Daniel Cormier dhe sfidantit Derrick “The Beast” Lewis.
Dy sportistët kanë zhvilluar sot në stadiumin “Madison Square Garden” takimin e parë ballë për ballë mes dy sportistëve (face to face), ku i pranishëm ka qenë edhe presidenti i UFC-së, Dana White.
Asnjë shkëndijë apo tension mes dy sportistëve, që kanë parë njëri-tjetrin në sy, duke shkëmbyer disa batuta në fund, por asnjë kërcënim, duke ia lënë gjithçka kafazit.
Kjo është hera e parë që Cormier do të mbrojë titullin kampion të peshës së rëndë fituar verën e këtij viti. Fituesi i kësaj sfide pritet të duelojë ndaj legjendës Brock Lesnar në pranverën e 2019-s
VAZHDO TË LEXOSH MË TEPËR PËR TEMËN
Ilir Latifi sfidon më të mirët e UFC-së, do titullin kampion
Khabib merr ofertë, pranë largimit nga UFC
“Në xhungël ka vend vetëm për 1 mbret”
