Milan është kthyer te fitorja në kampionat në takimin e luajtur mesditën e sotme kundër Parma-s në shtëpi. Ka qenë një fitore e vuajtur për ekipin e Gattuso-s, që ka arritur të marrë tri pikët falë përmbysjes së arritur në pjesën e dytë.
Pasi 45 minutat e para u mbyllën në barazim pa gola, takimi i “San Siro”s- është zhbllokuar në minutën e 50-të dhe kanë qenë miqtë ata që kanë kaluar në avantazh me Inglese, i cili ka mposhtur portierin Donnarumma me një goditje me kokë.
Gëzimi i Parma-s ka zgjatur vetëm 5 minuta pasi vendasit janë kundërpërgjigjur menjëherë me Patrick Cutrone, i cili ka kthyer ekuilibrin me një goditje të saktë brenda zonës së rreptësisë.
⚽️ GOOAL FRANCK KESSIE ??
AC Milan 2⃣ – 1⃣ Parma
?️ @TVACM pic.twitter.com/caBTPCxsbd— Team Milan AC (@TeamMilanAC) December 2, 2018
Në minutën e 71-të ka ardhur përmbysja e kuqezinjve, të cilët kanë realizuar golin e dytë, të shënuar nga Kessie me penallti, e cila është akorduar nga arbitri Calvarese pas ndërhyrjes së VAR.
Kështu, pas një humbjeje dhe një barazimi në dy ndeshjet e fundit të kampionatit, Milan është kthyer te fitorja dhe është ngjitur në vendin e katërt të renditjes.
Një pozicionim i përkohshëm ky, duke parë se Lazio, që mban vendin e pestë dhe është vetëm dy pikë larg milanezëve, do të luajë në orën 18:00 në fushën e Chievo-s. Parma, ndërkohë, mbetet në vendin e 6-të me 20 pikë.
