Zëvendëskryeministri i Kosovës dhe ministri i Punëve të Jashtme, Behgjet Pacolli, me rastin e 74 vjetorit të lindjes së ish-presidentit Ibrahim Rugova, ka thënë se sa më shumë i largohemi ditëvdekjes së tij, aq më shumë ndihet nevojën për të.
Ai me anë të një postimi në profilin e tij në Facebook ka shkruar se kundërshtarët e tij po e ndjejmë nevojën për të.
“Sa më shumë i largohemi ditëvdekjes së Ibrahim Rugovës, aq më shumë ne që e adhuronim, por dhe kundërshtarët e tij e ndjejmë nevojën për të, me idetë, frymën dhe vizionin rugovian. Gjithmonë e më shumë themi për problemet e mëdha: për këtë çështje, Rugova mendonte kështu! Kjo është përjetësia! Lavdi figurës së Arkitektit të Pavarësisë dhe Shtetësisë sonë”, ka shkruar Pacolli.
Kujtojmë se me 21 janar 2006, presidenti i parë i Kosovës, Ibrahim Rugova ka ndërruar jetë në moshën 62 vjeç. /Konica.al/
VAZHDO TË LEXOSH MË TEPËR PËR TEMËN
‘Shqipëria të marrë pjesë në bisedimet Kosovë-Serbi’
‘Amerika s’ka ndryshuar qëndrim për Kosovën’
