Sulmuesi egjiptian i Liverpool, Mohamed Salah, priti sot në qendrën stërvitore të Liverpoolit tifozin e verbër, i cili u bë i famshëm pasi u publikua një video ku shihej ai duke festuar golin e idhullit të tij.
Kur Salah e shënoi golin në ndeshjen e Champions League kundër Napolit, kamerat televizive e kapën një moment ku shihej një tifoz i Liverpoolit duke ia përshkruar golin një kushëririt të tij të verbër.
This blind fan celebrating Salah’s goal after his friend tells him about the play is amazing!
The beautiful game ❤️ pic.twitter.com/4EKJJ1k2Et
— !!! (@loonyroon) December 12, 2018
Mike Kearney ka qenë tifoz i Liverpoolit gjatë gjithë jetës së tij dhe i ka përcjellë të gjitha ndeshjet e gjashtë viteve të fundit në Anfield edhe pse nuk mund t’i shohë atë. Ai ka bërë të ditur se kushëriri i tij ia përshkruan atij momentet më të rëndësishme të ndeshjeve.
“Kushëriri im ishte duke ma shpjeguar mua se kush kishte shënuar. Që të jem i sinqertë, është vetëm një përvojë normale për mua. Unë i bashkohem brohoritjeve dhe festoj si të gjithë të tjerët në stadium”, – ka thënë Kearney.
“To Michael, your support is an inspiration. Mo Salah” ❤️@MoSalah invited @MikeKearney1 for a special visit to Melwood after a video of him celebrating our decisive #UCL winner against @sscnapoli went viral… pic.twitter.com/zHo67eBdfK
— Liverpool FC (@LFC) December 20, 2018
Një javë pasi kjo video filloi të shpërndahej gjithandej në internet, Mohamed Salah e ftoi Kearney në Melwood dhe e shfrytëzoi këtë mundësi për t’ia dhuruar atij një fanellë me mesazhin: “Për Michael, mbështetja jote është frymëzuese”.
VAZHDO TË LEXOSH MË TEPËR PËR TEMËN
Goli më i bukur, Salah mund Bale e Ronaldon
Eliminohet Inter e Napoli, anglezët me fat
