Merkato e janarit është gjithmonë emocionuese, por nuk garanton sukses. Më poshtë janë renditur disa nga operacionet më të dështuara të realizuara nga klubet e Serisë A gjatë merkatos së dimrit.
Lukas Podolski (Inter) – Pas disa sezoneve shumë të mira te Bayern Munich dhe Koln, gjermani përfundoi tek Inter-i në janarin e sezonit 2014/15, kur kishte humbur vendin e titullarit në radhët e Arsenal-it.
Ai nuk arriti të shkëlqente as në Serie A, siç tregon goli i vetëm i realizuar në 17 ndeshjet e luajtura në kampionat. Në fund të sezonit, Podolski u huazua te Galatasaray.
Tomas Rincon (Juventus) – Pas tre sezoneve mbresëlënës me Genoa-n, Juventus-i vendosi të paguante 8 milionë euro në dimrin e sezonit 2017/18 për mesfushorin. Rincon nënshkroi një kontratë 3-vjeçare, por luajti vetëm 13 ndeshje para se të huazohej te Torino.
Nicolas Anelka (Juventus) – Ka qenë një nga ndalesat e fundit në karrierën e tij si futbollist. Anelka iu bashkua bardhezinjve në janarin e 2014-ës, kur ishte 34 vjeç. Francezi luajti vetëm dy ndeshje dhe më pas u transferua te Ëest Bromëich Albion me kosto zero.
Didac Vila (Milan) – Një shumë prej 4 milionë eurosh u pagua në dimrin e sezonit 2011/12 nga Milan pas paraqitjeve të mira të lojtarit në radhët e Espanyol.
Katalanasi, gjithsesi, nuk pati shumë fat me kuqezinjtë dhe, pak muaj pas transferimit të tij, u kthye tek Espanyol me formulën e huazimit pas një ndeshje të vetme të luajtur me Milan-in.
Xherdan Shaqiri (Inter) – Shqiptari kishte patur probleme për t’u përshtatur në Bundesliga te Bayern Munchen dhe situata nuk u përmirësua me kalimin e tij në Itali.
Në janarin e 2015-ës, ai u huazua nga Inter, por gjërat nuk shkuan ashtu siç mendohej. Gjashtë muaj më vonë, ai u transferua te Stoke, ku luajti për tre vite para se të blihej verën e kaluar nga Liverpool.
Maniche (Inter) – Portugezi u transferua tek Atletico Madrid në sezonin 2006/07, por një vit më vonë, në dimrin e sezonit 2007/08, ai vendosi të transferohej tek Inter. Ishte aventura e tij e parë në Serie A dhe nuk shkoi aspak mirë. Maniche ka luajtur shumë pak ndeshje dhe shënoi vetëm një gol para se të kthehej tek Atletico.
VAZHDO TË LEXOSH MË TEPËR PËR TEMËN
Dështimet më të mëdha të teknologjisë në 2018-ën
