Zëvendëskryeministri italian i bën thirrje BE-së të sanksionojë Francën për ‘kolonizimin e saj të vazhdueshëm’ të Afrikës
Zëvendëskryeministri italian ka fajësuar Francën për krizën evropiane të emigrantëve, duke e akuzuar atë për imponimin e politika “kolonialiste” ndaj kombeve afrikane.
Luigi Di Maio filloi një sulm të ashpër ndaj Francës, dhe argumentoi se Franca është fajtore për shkaqet e natyrshme të krizës së emigrantëve në kufijtë e BE.
Di Maio po fliste në një tubim të dielën, ku preku edhe çështjen e mbytjes masive të emigrantëve masivë në Mesdhe. Besohet se deri në 170 emigrantë, të cilët u larguan nga Libia dhe Maroku, mund të jenë mbytur në det javën e kaluar. Tre emigrantë u shpëtuan nga Marina italiane të premten dhe të mbijetuarit thanë se ishin pjesë e një grupi prej 120 vetësh që lundruan nga Libia të enjten. Viktimat, sipas organizatave migrante, përfshijnë fëmijë dhe të paktën 10 gra.
Tragjeditë kanë rindezur debatin mbi politikën e migracionit të mbështetur nga qeveria e krahut të djathtë të Italisë.
“Ne do të ishim hipokritë nëse vazhdonim të flasim për efektet pa kërkuar shkaqet. Nëse sot kemi njerëz që vijnë nga Afrika, kemi për shkak se disa vende evropiane si Franca nuk kanë ndalur kurrë kolonizimin e Afrikës” tha Di Maio për turmën.
Politikani, i cili gjithashtu shërben si ministër i zhvillimit ekonomik, i referohet frangës CFA, një monedhë që përdoret në 14 ish koloni franceze në Afrikën Perëndimore dhe Qendrore. Ndërkohë që kreditohet për sigurimin e stabilitetit financiar të vendeve afrikane, ajo shpesh është kritikuar si një relikt i kohëve koloniale nga përkrahësit e pavarësisë së plotë të Afrikës nga Franca. Ata argumentojnë se Franca pengon zhvillimin e tyre ekonomik.
Vendi i afrikanëve është në Afrikë dhe jo në fund të detit, “tha ai.
“Nëse Franca nuk do të kishte koloni afrikane, të ishte fuqia e 15-të ekonomike ndërkombëtare dhe në vend të kësaj është ndër të parat për atë që po bën në Afrikë”, tha ai. Franca aktualisht është ekonomia e shtatë më e madhe në botë, sipas të dhënave të Bankës Botërore për 2017.
Di Maio tha se partia e tij do të paraqesë një propozim në parlament për të ndëshkuar Francën në javët e ardhshme.
Marrëdhëniet mes qeverive franceze dhe italiane tashmë ishin të tendosura, me Di Maio, së bashku me ministrin e brendshëm italian Matteo Salvini, që shprehin mbështetjen e tyre për protestat e Jelekverdhëve, që kanë tronditur qeverinë e Makron që nga nëntori./konica.al
VAZHDO TË LEXOSH MË TEPËR PËR TEMËN
A e ka zgjidhur Evropa çështjen e emigracionit?
BE kërkon ‘ndihmë’ nga Afrika për çështjen e emigracionit
