Kosova do të respektohet si të gjitha shtetet e tjera dhe do të jap mesazhin se nuk do të ketë ndarje. Kështu bën të ditur Fatmir Limaj, zëvendëskryeministër i Kosovës, njëherësh bashkëkryesues i delegacionit kosovarë në dialogun Kosovë-Serbi.
Limaj tha se askush mos të pret një Kosovë, siç ka qenë deri tash, “që janë sjell me të si kanë dashtë vet”.
“Po çojmë mesazhe se ky vend do të respektohet si të gjithë të tjerët, në respekt të secilit shtet veç e veç, në respekt të komunikimit të bashkëpunimit me të tjerët, por jo ndarjen e Kosovës. Ky është mesazhi kryesore që këtë vit e çon Kosova. Më vjen mirë që të tjerët kanë filluar ta kuptojnë kështu. Askush mos të pret nga Kosova, një Kosovë siç ka qenë deri tash që janë sjell me të si kanë dashtë vet. Ne nuk mund të pranojmë një gjë të tillë, besoj që kanë dalë disa gjëra të mira, posaçërisht Ushtria e Kosovës”, tha Limaj.
Ai garanton se në Bruksel do të diskutohet çdo gjë në bazë të mandatit kushtetues të delegacionit.
Limaj pohon se delegacioni shtetëror ka mandatin të dialogojë duke respektuar Kushtetutën e Kosovës dhe rezolutën që e ka nxjerrë nga Kuvendi. /Konica.al/
VAZHDO TË LEXOSH MË TEPËR PËR TEMËN
‘Dialogu me Kosovën, kusht për futjen e Serbisë në BE’
‘Dialogun e udhëheqin Thaçi e Vuçiç’
