MENU
klinika

The Hill

Putin dhe “lufta” për ndikim në Ballkan

23.01.2019 - 10:20

Qëllimi strategjik i politikës së Rusisë në Ballkan është krijimi i një mjedisi të rehatshëm për kompanitë ruse (kryesisht në sferën e energjisë) dhe kundërbalancimin e ndikimit të NATO-s në rajon. Në planin afatgjatë, qëllimi mund të jetë fillimi i një zgjidhjeje shumëpalëshe të “çështjes së Ballkanit” duke organizuar një konferencë ndërkombëtare.

Më 17 janar, Presidenti rus Vladimir Putin zhvilloi një vizitë zyrtare në Serbi. Tema më intriguese në axhendën e vizitës ishte ndikimi i mundshëm i saj në bisedimet midis Beogradit dhe shqiptarëve të Kosovës për statusin e Kosovës. Në fjalimin e tij zyrtar, Putin paraqiti dy pika në lidhje me këtë çështje.

E para, që presidenti serb Aleksandar Vuçiç duhet të ndjehet i kënaqur, është se çdo negociatë dhe marrëveshje ndërmjet Beogradit dhe Prishtinës është një çështje që duhet të vendoset nga të dyja palët.

E dyta është se vendimi duhet të bëhet “në bazë të Rezolutës së Këshillit të Sigurimit të OKB-së 1244”, diçka që Vuçiç nuk është i kënaqur.

Megjithatë, deri në fund të vitit 2018, bisedimet ndërmjet Beogradit dhe Prishtinës nuk shkuan shumë mirë, dhe presidenti serb deklaroi se çështja e Kosovës nuk mund të zgjidhej menjëherë, këtu dhe tani. Për momentin, është një pyetje retorike nëse kjo është për shkak të një marrëveshjeje me Moskën ose për qëllime të pastra politike. Përgjigja ka të ngjarë të gjendet në pranverën e vitit 2019.

kolana e librave

Formalisht, të paktën pjesa e hapur e vizitës ishte e përqëndruar tek ekonomia, megjithëse në aspektin financiar, marrëveshjet e nënshkruara dhe protokollet nuk janë shumë të rëndësishme.

Tsipras-Putin-konica.al

Për fat të keq, të dyja palët nuk arritën një marrëveshje të MTL me EAEU nga vizita e presidentit rus, në avantazh të partnerëve evropianë të Serbisë.

Numri dhe cilësia e marrëveshjeve të nënshkruara i japin Brukselit një mundësi për të treguar brengosjen e rolit ekonomik të Rusisë në rajon.

Nga pikëpamja morale, shkalla e takimit dhe intensiteti i saj i mundësojnë NATO-s dhe shteteve anëtare të saj që të rrisin presionin mbi Beogradin, forcimin e bashkëpunimit ushtarak-teknik dhe nisjen e një fushate anti-ruse të informacionit në rajon.

Kjo vizitë nuk ka të ngjarë të ketë ndikim serioz në perspektivat e anëtarësimit të Serbisë në BE. Do të përdoret më tepër për të qenë në gjendje të qortojë Beogradin në momentin e duhur./konica.al

Marrëdhëniet e Kinës me Greqinë e Italinë

BE po korr atë që ka mbjellë!

Problemet me shpenzimet e mbrojtjes

Çfarë kërkon Macron nga NATO?

Polemika për propozimet franceze

Reformim apo fund i zgjerimit të BE?