Avokati i presidentit amerikan Donald Trump, Rudy Giuliani tha të mërkurën se nuk ka asnjë dëshmi të vetme që e lidh presidentin amerikan Donald Trump, me Rusinë.
Ai e përshkroi idenë e bashkëpunimit me Rusinë si “një lajm tërësisht të rremë”.
Në një intervistë me Chris Cuomo të CNN në “Cuomo Prime Time”, Giuliani, një ish-kryebashkiak i Nju Jorkut dhe avokati i Trump, tha se ai nuk e di nëse njerëzit e tjerë në fushatë, përfshirë kryetarin e fushatës Paul Manafort, po punonin me Kremlinin gjatë garës presidenciale të vitit 2016.
Kjo është një tjetër deklaratë e jashtëzakonshme nga Giuliani, duke pasur parasysh se Presidenti dhe mbështetësit e tij kanë mohuar në mënyrë të përsëritur ndonjë bashkëpunim midis fushatës së Trump dhe qeverisë ruse.
Një person i njohur me këtë çështje i tha CNN javën e kaluar se Manafort, si kryetar i fushatës së Trump, u përpoq të dërgonte të dhëna të brendshme të votimit nga fushata Trump nëpërmjet bashkëpunëtorit të tij Konstantin Kilimnik, një shtetas rus i cili është i lidhur me Inteligjencën ruse.
“Donald Trump nuk i ka dhënë të dhëna askujt,” tha Giuliani, duke shtuar, “Ai nuk e dinte këtë derisa u zbulua pak javë më parë në një artikull”.
Giuliani tha se bashkëpunimi nuk është një krim dhe termi tani po përdoret gjerësisht për të përshkruar kontaktin me rusët.
Trump vetë ka postuar të paktën 13 herë në Twitter, duke thënë se nuk kishte bashkëpunim midis fushatës së Trump dhe qeverisë ruse. I fundit ishte më 10 dhjetor.
Në intervistën me Cuomo, Giuliani tha “Nëse doni të bëni një hetim, bëni një hetim etik, por ju nuk keni nevojë për një prokuror të posaçëm për këtë”.
Më vonë në intervistë, Giuliani hodhi poshtë njoftimet se ai kishte thënë se ekipi ligjor i Trump duhet të marrë për të redaktuar raportin e Mueller para se të bëhet publike.
Giuliani i tha Cuomo se ekipi ligjor i Trump duhet ta shohë paraprakisht raportin përfundimtar të Mueller para se të bëhet publik. “Nuk dua ta ndryshoj raportin, dua t’i përgjigjem raportit”, shtoi ai./konica.al
VAZHDO TË LEXOSH MË TEPËR PËR TEMËN
“Rusia nuk mund ta zëvendësojë kurrë SHBA-në”
Amerika nuk është më e para…
2019, vit edhe më i vështirë për Putinin…
