Gjatë ditës së sotme kryeministri Rama nga sheshi “Nënë Tereza” i shpalli një sfidë Partisë Demokratike.
Ai tha se vendi do të shkojë në zgjedhje të parakoshme vetëm nëse demokratët fitojnë vetëm 1 bashki më shumë se socialistët.
“Vetë e zgjodhët të rrinit rrugëve, rrugëve do rrini. Ne s’kemi mandat për t’ju dhënë pushtet juve.
Unë e kam një ftesë për ju, jeni ju që ja keni rrokanisni kokën ndërkombëtarëve për reformën zgjedhore.
Nëse ju në zgjedhjet e 30 qershorit, do fitoni një bashki më shumë se ne, jemi të gatshëm të shkojmë në zgjedhje të parakohshme. E di që ju s’do e pranoni këtë sfidë“, u shpreh Rama.
Kësaj sfide i është përgjigjur Partia Demokratike, përmes sekretarit të përgjithshëm Gazment Bardhi.
Përmes një postimi në Twitter, Bardhi shkruan:
“Propozimi i Ramës për zgjidhjen e krizës: “Më lini ti vjedh edhe zgjedhjet vendore dhe po ti fitojë opozita zgjedhjet që unë do vjedh, shkojmë pastaj në zgjedhje të parakohshme.” ???”- shkruan Bardhi.
