Drejtori sportiv i Lazios, Igli Tare, është dënuar në Itali. Komisioni disiplinor i Serie A ka vendosur të marrë masa ndaj skuadrës së Lazios.
Gjithçka ndodhi për shkak të penalltisë shumë të kontestuar në ndeshjen e fundit të kampionatit ndaj Spalit. Kur ndeshja ishte në limitet e kohës, dhe sfida ishte në ekuilibër, arbitri i ndeshjes vendosi të akordonte një 11 metërsh.
Penalltia u kontestua gjatë nga Lazio, teksa në atë rast Thomas Strakosha u ndëshkua me karton të verdhë, për sjelljen e gabuar ndaj gjyqtarit të ndeshjes.
Por nuk përfundoi me kaq, pasi drejtori sportiv i kryeqytetasve, Igli Tare, pas përfundimit të ndeshjes, vazhdoi kontestimet ndaj operatorëve të VAR.
Në këtë mënyrë komisioni disiplinor vendosi ta gjobisë me shumën e 5 mijë eurove. Në fakt, ndeshja ishte e rëndësisë së veçantë për Lazion pasi varej kualifikimi në Champions, sezonin e ardhshëm.
VAZHDO TË LEXOSH MË TEPËR PËR TEMËN
Igli Tare fiton më shumë se kur ishte lojtar
