Detaje të reja janë zbardhur nga grabitja e miliona eurove në Rinas dhe vrasja e Admir Muratajt.
Ditën e djeshme u arrestuan katër persona, të cilët dyshohet se kanë lidhje me grabitjen e miliona eurove në Rinas.
Dy nga të arrestuarit janën nga Elbasani, ndërsa dy të tjerë nga Fushë-Kruja.
News 24 raportoi se në gjurmët e të arrestuarve është rënë përmes përgjimeve telefonike.
“Ata u shfaqën të shqetësuar në momentin që doli lajmi se është vrarë Admir Murataj dhe këtë e shprehën në biseda me njëri tjetrin”, raportoi News 24.
Mes të arrestuarve janë edhe dy personat që bënë të mundur modifikimin e furgonit me mbishkrimin ‘Hetimi Tatimor .
Ndërkohë Klement Çala, njihet si një nga bashkëpunëtorët e Admir Muratajt në grabitjen e 10 milionë eurove në vitin 2017 në Rinas.
VAZHDO TË LEXOSH MË TEPËR PËR TEMËN
