Cristiano Ronaldo dëshmoi edhe një herë se vjen nga një tjetër planet.
Mes Champions League dhe portugezit ka një kimi të vërtetë dhe këtë e vërtetojnë statistikat e lojtarit.
Vit pas viti 34-vjeçari ka shënuar në momentet më vendimtare kur ekipi i tij ka patur nevojë më së shumti.
Që nga finalja e Champions League në vitin 2008, kur ai i dha Manchesterit epërsinë me një ‘predhë’ kundër Chelseas, goli ‘magjik’ ndaj Juventusit në sezonin e kaluar apo edhe golat me ‘Zonjën e Vjetër’ këtë sezon pasqyrojnë më së miri sundimin e CR7.
Ai ka plot 41 gola në çerekfinale, gjysmë-finalet dhe finalet e kompeticionit duke u bërë i pakonkurrueshëm, madje duke mposhtur edhe rivalin e tij historik, Lionel Messi. Jo vetëm që ka shënuar tre gola në finale , më shumë se çdo lojtar tjetër në histori, por rekordi i tij krahasuar me rivalin e tij të madh Lionel Messi, kalon në një tjetër dimension.
Ylli i Juventusit ka 24 gola në 21 ndeshje në çerekfinale dhe 14 gola në gjysmëfinale.
Nëse mbledhim të gjithë golat e tij dhe Messit në Champions, Ronaldo ka 25 gola më shumë se ylli argjentinas.
Fituesi i 5 topave të artë, lë pas në renditje edhe disa legjenda të tjerë të futbollit duke përfshirë Raul, Filippo Inzaghi apo dhe Andriy Shevchenko.
Gjithashtu, fakti që ai në karrierën e tij, gjatë kësaj faze, ka më tepër se dyfishin e golave (64), në krahasim me një klub si Ajaxi (31) është me të vërtetë marramendëse.
Futbollistët me më shumë gola në historinë e Champions League:
- Cristiano Ronaldo: 125
- Lionel Messi: 108
- Raúl: 71
- Karim Benzema: 60
- Ruud van Nistelrooy: 56
- Robert Lewandowski: 53
- Thierry Henry: 50
- Alfredo Di Stefano: 49
VAZHDO TË LEXOSH MË TEPËR PËR TEMËN
Barcelona fiton me vuajtje në Manchester, Juve e Ajax në ‘paqe’
