Pas arrestimit të katër personave në Elbasan ditën e djeshme, Forcat Operacionale kanë zbarkuar sërish në qytet dhe kanë vijuar kontrollet e mëtejshme.
Aksioni i policisë ka nisur që të djelën më Elbasan, dhe vijon edhe sot ku janë zhvilluar kontrolle në disa banesa në qytet.
Kujtojmë që të arrestuar janë Fatjon Beqiraj, Alkond Bregasi, Renaldo Sula dhe Saimir Çela.
Ata u identifikuan nga gjurmët e gishtave të gjetura në dy furgonët të cilët u përdorën për tu larguar.
Ndërkohë gjithashtu është zbuluar edhe servisi ku është modifikuar furgoni “Hetimi Tatimore”.
Pronari i servisit Gentian Sharra, teksa foli për “News 24” tha se servisin ia kishte lëshuar me qera Elvi Çalës, vëllai i Klement Çalës.
“Nuk kisha kontratë noteriale me të. Nuk kam dijeni për aktivitetin e paligjshëm që është kryer në këtë servis”, ka thënë ai.
Servis “Genti” ndodhet në rrugën e vjetër Elbasan-Rrethrrotullimi i Bradasheshit.
Servisi tashmë është i kyçur dhe konsiderohet si provë materiale për prokurorinë dhe policinë.
VAZHDO TË LEXOSH MË TEPËR PËR TEMËN
