Duka dhe Dukesha e Kembrixhit janë në shënjestër të aparacëve dhe faqeve roz për thashethemet që i referohen një tradhtie të Princ William, ndërkohë çifti feston sot 8-vjetorin e martesës.
Pallati Kensington falënderoi fansat e tyre për urimet mëngjesin e kësaj të hëne, duke publikuar një foto të William dhe Kate në ditën e dasmës.
“8 vite sot. Faleminderit për mesazhet tuaja të përzemërta për Dukën dhe Dukeshën e Kembrixhit për përvjetorin e martesës”-thuhet në deklaratë.
Princi William, 36 vjeç, dhe Kate, 37 vjeç, u martuan më 29 prill 2011 në Westminster Abbey. Ata kanë dy fëmijë Princin George, 5 vjeç, Princeshën Charlotte, 3 vjeç dhe Princi Louis, 1 vjeç.
Por skandali ka përfshirë familjen mbretërore në Britani. Mediat rozë raportojnë se Princ William tradhtoi bashkëshorten e tij Kate Middleton.
Thashethemet në shoqërinë e lartë britanike për një marrëdhënie të jashtëligjshme të Princit me fqinjën e tij, Rose Hanbury, Markezën e Cholmondeley, qarkullojnë prej gati një viti. Mendohet se tradhtia ka ndodhur gjatë kohës që Kate ishte shtatzënë me fëmijën e tyre të tretë, Princin Louis.
VAZHDO TË LEXOSH MË TEPËR PËR TEMËN
William, pjesë e një tradhtie bashkëshortore?
Naiviteti i princit i “çmend” të gjithë
Kate Middleton shtatzënë përsëri?
