MENU

Profil

John Bolton, fajtor për konfliktin SHBA-Iran?

25.05.2019 - 16:52

SHBA-ja është afër një lufte me Iranin, dhe ndoshta më afër se asnjëherë më parë. Dhe Bolton është njeriu që duhet fajësuar më së shumti, shkruante Ben Armbruster pak ditë më parë për The Guardian. Këshilltari për Siguri Kombëtare i Presidentit Donald Trump, John Bolton, thuhej aty, dëshiron që SHBA-ja të shkojë në luftë me Iranin, duke listuar disa arsye pse mendonin kështu.

Por kush është John Bolton?

John Robert Bolton, i lindur më 20 nëntor 1948, Baltimore, Maryland, SHBA, është zyrtar i qeverisë amerikane, i cili shërbeu si këshilltar i sigurimit kombëtar nën udhëheqjen e Donald Trump. Bolton më parë ishte ambasadori i përkohshëm i SHBA në Kombet e Bashkuara (2005-2006).

Bolton u arsimua në Universitetin Yale dhe shumica e karrierës së tij të mëvonshme u shpenzua duke u marrë me punët e qeverisë. Si një republikan konservator, ai filloi shërbimin e tij federal në administratën e Ronald Reagan, duke mbajtur poste në Agjencinë e Shteteve të Bashkuara për Zhvillim Ndërkombëtar dhe si ndihmës avokat i përgjithshëm (1985-89). Nga 1989 në 1993, nën udhëheqjen e presidentit George H.W. Bush, ai ishte ndihmës sekretari i shtetit për çështjet e organizimit ndërkombëtar. Gjatë viteve 1990 Bolton ishte aktiv në organizata të shquara konservatore, përfshirë Institutin Amerikan të Ndërmarrjeve (AEI), në të cilin ai ishte nënkryetar në 1997-2001 dhe Projekti për shekullin e ri amerikan. Ai gjithashtu ishte një zyrtar i Komitetit Republikan Kombëtar.

Nën udhëheqjen e presidentit Xhorxh W. Bush, Bolton ishte nënsekretar i shtetit për kontrollin e armëve dhe çështjet ndërkombëtare të sigurisë. Ai mbështeti një numër ndryshimesh të pozicioneve të politikës së jashtme të SHBA, duke përfshirë tërheqjen e mbështetjes për Gjykatën Penale Ndërkombëtare dhe tërheqjen nga Traktati i Raketave Anti-Balistike.

Për disa kohë ai ishte një anëtar i delegacionit të SHBA në bisedimet me Korenë e Veriut, por ai u hoq në vitin 2003 pasi ai bëri komente përçmuese lidhur me udhëheqësin e atij vendi.

Pas largimit nga detyra, Bolton rifilloi punën e tij me organizatat konservatore, sidomos AEI. Ai gjithashtu u bë një konsulent i Fox News. Gjatë zgjedhjeve presidenciale të vitit 2012, ai shërbeu si këshilltar i Mitt Romney. Në mars të vitit 2018 Donald Trump njoftoi se Bolton do të zëvendësonte Gjeneralin H.R. McMaster si kreu i Këshillit të Sigurisë Kombëtare. Bolton mori postin, i cili nuk kërkon konfirmimin e Senatit, muajin pasardhës.

Vetëm një muaj pasi u punësua nga Trump, Bolton ia dha shtysën kryesore Trumpit, shtytjen që kishte nevojë, pra largimin nga marrëveshja nukleare me Iranin, e cila në atë kohë ishte (dhe ende është) e suksesshme për ta bllokuar programin nuklear iranian. Ndaj ka jo pak arsye për tu konsideruar njeriu më i rrezikshëm në botë.

VAZHDO TË LEXOSH MË TEPËR PËR TEMËN