Këshilltari special Robert Mueller do të bëjë një deklaratë publike në orën 11 të mëngjesit të së hënës mbi hetimin e Rusisë, njoftoi Departamenti i Drejtësisë.
“Këshilltari Special Robert S. Mueller III do të bëjë një deklaratë për hetimin e ndërhyrjes së Rusisë në zgjedhjet presidenciale të vitit 2016”, tha departamenti. “Kjo do të jetë vetëm një deklaratë, pa pyetje dhe përgjigje për të ndjekur.”
Një zyrtar i lartë i Shtëpisë së Bardhë tha se Shtëpia e Bardhë u njoftua të martën mbrëma se Mueller mund të bëjë një deklaratë, kështu që administrata nuk ishte e papërgatitur.
Mueller nuk ka bërë asnjë koment mbi hetimin pasi ai u emërua këshilltar i posaçëm në maj të vitit 2017. Demokratët kërkojnë që ai të dëshmojë përpara Kongresit në javët e ardhshme. Javën e kaluar, Kryetari i Komitetit Gjyqësor të Shtëpisë Jerrold Nadler, tha se Mueller ishte i gatshëm të dëshmonte, por vetëm në mënyrë private.
Në muajin mars, Mueller paraqiti pranë Prokurorit të Përgjithshëm William Barr raportin e tij prej 400 faqesh mbi ndërhyrjen ruse në zgjedhjet presidenciale të 2016-ës, për të parë nëse fushata Trump ose bashkëpunëtorët e Trump-it komplotuan me Rusinë në këto përpjekje dhe nëse Trump kërkoi të pengonte drejtësinë.
Ditë më vonë, Barr lëshoi një përmbledhje prej katër faqesh të raportit të Mueller, të cilin avokati i posaçëm tha “nuk e kapi plotësisht kontekstin, natyrën dhe përmbajtjen” e hetimit të tij.
Në raportin e tij, Mueller tregonte me detajepërpjekjet e Rusisë për të ndërhyrë në zgjedhjet e vitit 2016, kontaktet e shumta midis fushatës Trump dhe bashkëpunëtorëve me rusët.
“Prandaj, ky raport nuk arrin në përfundimin se Presidenti ka kryer një krim, por gjithashtu nuk e përjashton mundësinë”, shkroi Mueller, duke shtuar më vonë se përpjekjet e Trump për të ndikuar në hetimin ishin kryesisht të pasuksesshme.
VAZHDO TË LEXOSH MË TEPËR PËR TEMËN
Disa mësime për amerikanët nga hetimi i Muellerit
Lufta me Muellerin mbaroi, dhe fituesi është Trump
Krizën në SHBA nuk e shkaktoi Muelleri
