Gjatë ditës së sotme është gjetur nga vetë familjarët trupi i pajetë i 17-vjeçarit Matia Rizallari nga Këlcyra.
Trupi i adoleshentit është gjetur në lumin Vjosa në urën e Dragotit.
Kujtojmë që 17-vjeçari u deklaruar i humbur nga familjarët 4 ditë më parë.
Ai u shpall i zhdukur prej të dielës së 9 qershorit kur sipas të dhënave ai kishte dalë nga shtëpia e gjyshërve ku jetonte në fshatin Bedyqas, një zonë e banuar shumë pranë Këlcyrës.
Ndërkohë babai i Matia Rizallarit ka hedhur poshtë mundësine që i biri të kishte shkuar në Vjosë për t’u larë.
Ai shprehet se ka dyshime për shokun e djalit të tij.
Familja dyshon tek shoku i tij E.D (Egli Dosti), rreth 25 vjeç, një ish-ushtar me pagesë, i akuzuar për dezertim.
Sipas babait, ky ishte personi me të cilin shoqërohej i biri dhe që ishte personi i fundit me të cilin është parë 17 vjeçari.
Shkak për dyshime bëhet fakti se po atë ditë pas ngjarjes, Dosti është larguar në Sarandë.
VAZHDO TË LEXOSH MË TEPËR PËR TEMËN
Bulqizë/ Gjendet i vdekur në tunel një person
