Edhe pse gjithçka ishte e kryer më herët, sot ka ardhur edhe zyrtarizimi i Marco Giampaolos në pankinën e Milanit.
Ish trajneri i Sampdorias ka nënshkruar një kontratë dy vjeçare me kuqezinjtë, me opsionin për rinovimin edhe për një vit të tretë.
Pas një eksperience 3-vjeçare mjaft pozitive në stolin e Smapdorias, Giampaolo u përzgjodh si njeriu i duhur për të drejtuar projektin e ri të Milanit.
Me të në krye, kuqezinjtë synojnë fillimisht krijimin e një situatë të qëndrueshme financiare dhe më pas investimin për t’u rikthyer në elitën e futbollit botëror.
Giampaolo është i parafundit në organigramën e Milanit, që pas Maldinit si Drejtor Teknik dhe Zvonimir Bobanit në krah të ish kapitenit, pritet të prezantojë këto ditë edhe Frederic Massarën si drejtor sportiv, për të nisur më pas menjëherë punën në merkato.
Ardhja e tij në stolin kuqezi, pritet të sjellë ndryshime të shumta edhe në organikë, pasi kuqezinjtë ishin ndërtuar sipas rreshtimit 4-3-3, ndërsa tekniku 52-vjeçar luan me modulin 4-3-1-2.
VAZHDO TË LEXOSH MË TEPËR PËR TEMËN
E bujshme/ Milani kërkon mesfushorin e kombëtares!
Problemet në mbrojtje/ Milan kontakton ‘bishën’ e Liverpool!
