Irani ka njoftuar se do thyejë kufirin e vendosur në uraniumin e pasur, duke shkelur marrëveshjen e rëndësishme bërthamore të vitit 2015.
Zëvendës ministri i jashtëm Abbas Araqchi tha se Irani ende donte të shpëtonte marrëveshjen, por fajësonte vendet evropiane për dështimin për të përmbushur angazhimet e tyre.
Shtetet e Bashkuara u tërhoqën në mënyrë të njëanshme nga marrëveshja në vitin 2018. Që prej asaj kohe ka vendosur sanksione të rrepta që prekin ekonominë iraniane.
Njoftimi iranian shënon përsëri shkelje të marrëveshjes.
Në maj, Irani rriti prodhimin e uraniumit të pasuruar, i cili mund të përdoret për karburant për reaktorët, por edhe për armë bërthamore.
Vendi ka rezervuar më shumë uranium të pasuruar sesa lejohet sipas kushteve të marrëveshjes. Irani ka mohuar me forcë se ka ndonjë qëllim për ndërtimin e armëve bërthamore.
Në përvjetorin e tërheqjes së SHBA, Irani dha një afat prej 60 ditësh për nënshkruesit e mbetur të marrëveshjes, Kina, Franca, Gjermania, Rusia dhe Britania e Madhe, për ta mbrojtur atë nga sanksionet amerikane.
Duke folur në një konferencë shtypi të dielën në fund të këtij afati, Araqshi tha se Irani do të fillojë pasurimin e uraniumit mbi një koncentrim prej 3.67% brenda disa orëve, për të furnizuar karburant për centralin e saj Bushehr.
Araqchi tha se Irani do të vazhdojë të zvogëlojë angazhimin e tij për marrëveshjen e vitit 2015 çdo 60 ditë. Por ai gjithashtu theksoi se diplomacia ishte ende një opsion, me kusht që sanksionet të hiqen.
Njoftimi vjen një ditë pasi presidenti francez Emmanuel Macron foli me presidentin iranian Hassan Rouhani dhe shprehu shqetësimin e tij rreth asaj që do të ndodhte nëse marrëveshja do të braktisej.
Rouhani u bëri thirrje vendeve evropiane që të veprojnë tani për të shpëtuar marrëveshjen.
Gjashtë vende nënshkruan Planin e Veprimit Gjithëpërfshirës të Përbashkët në vitin 2015 për të frenuar programin bërthamor të Iranit.
Teherani ra dakord të lejonte inspektorët ndërkombëtarë dhe të kufizonte aktivitetet e saj bërthamore.
VAZHDO TË LEXOSH MË TEPËR PËR TEMËN
“Evropianët nuk janë në gjendje të kritikojnë Iranin”
“SHBA nuk është e interesuar për dialog me Iranin”
‘Lufta’ SHBA-Iran dhe dilema e Evropës
