Donald Trump ka kërcënuar me tarifa të reja për 4 miliardë dollarë produkte evropiane, përfshirë djathin, shishet e uiskit dhe ullinjtë, duke shtuar presionin mbi BE-në.
Zyra e përfaqësuesit të tregtisë amerikane lëshoi një listë prej 89 artikujve të tjerë, duke përfshirë ullinjtë, djathin italian dhe holandez, uiski skocez, uiski irlandez, makaronat, kafen dhe proshutën, që mund të përballeshin me tarifa.
Këto produkte bashkohen me vlerën 21 miliardë dollarë që u shpallën si objektiva të mundshëm për tarifat në prill, ku përfshiheshin vera, shampanja, vaji i ullirit dhe prodhimet e detit. Lista e fundit gjithashtu përfshin një numër të produkteve të bakrit dhe metaleve të tjera.
Masa erdhi disa ditë pasi një armëpushim u arrit në luftën tregtare midis SHBA dhe Kinës.
SHBA dhe BE kanë kërcënuar se do të imponojnë tarifa për avionët, traktorët dhe ushqime në një konflikt tregtar, që u shkaktua nga subvencionet e aeroplanëve që iu dhanë aeroplanëve amerikanë Boeing dhe rivalit të tij evropian, Airbus.
Trump imponoi një tarifë prej 25% në çelikun europian dhe 10% në importet e aluminit që hyri në fuqi në maj 2018, pasi ai pretendonte se “luftërat tregtare janë të mira”. BE u përgjigj në shkurt duke imponuar kufizime mbi importet e çelikut.
OBT pritet të vendosë mbi kërkesën e sanksioneve të SHBA gjatë verës, edhe pse kjo mund të shtyhet deri në shtator.
Megjithatë, në mes të qershorit, Reuters raportoi se SHBA mund të jenë të hapura për negociatat mbi një “mekanizëm të zbatueshëm” që do të lejonte Airbus të merrte fonde qeveritare me kushte komerciale.
VAZHDO TË LEXOSH MË TEPËR PËR TEMËN
“Lufta” me Kinën/ Çfarë synon SHBA?
“Italia do të jetë partneri kryesor i SHBA në Evropë”
“Trump po abuzon me pushtetin”
