“Jam i gatshëm të shpall zgjedhjet e reja”, kështu është shprehur presidenti i Kosovës Hashim Thaçi në një takim me kryetaren e KQZ, Valdete Daka.
Në këtë takim ata kanë biseduar për gatishmërin e këtij institucioni për të organizuar zgjedhje të parakohshme.
Presidenti Thaçi ka theksuar se në përputhje me obligimin kushtetues që del nga Neni 95, do t’i shterojë të gjitha mundësitë që në konsultime me partitë politike të përfaqësuara në Kuvendin e Kosovës të gjendet një përgjigje për realitetin e ri politik, raportojnë mediat kosovare.
“Nëse partitë politike nuk janë në gjendje t’i japin përgjigje këtij realiteti të ri politik në një afat të arsyeshëm kohor, jam i gatshëm t’i shpalli menjëherë zgjedhjet e reja”, ka thënë presidenti Thaçi.
Ai ka shtuar se nga kryetarja Daka është njoftuar se KQZ-ja është e gatshme t’i organizojë zgjedhjet e parakohshme në çdo kohë.
Presidenti Thaçi ka theksuar se është thelbësore që Kosova të ketë qeveri të re, funksionale, efikase, sa më gjithëpërfshirëse dhe sa më shpejtë, për t’i çuar përpara proceset e rëndësishme.
VAZHDO TË LEXOSH MË TEPËR PËR TEMËN
‘Ata që flasin për ndryshim kufijsh janë proserb e prorus’
‘Dialogun e udhëheqin Thaçi e Vuçiç’
‘Kundërshtarët e paqes nuk e duan marrëveshjen Kosovë-Serbi’
