Shumë gra që kanë bërë histori, nuk kanë mundur t’i shpëtojnë tundimit femëror ndaj shkëlqimit të kësaj perle: as mbretëresha Elizabetë, as ish-ministrja e Jashtme suedeze, Anna Lindh. Ohridi, ka joshur shumëkënd me bukurinë, origjinalitetin dhe shkëlqimin e vet të pazakontë.
Perla e Ohrit, e famshme në gjithë botën, është bërë nga luspat e peshkut Plashica, specie endemike e peshqve në liqenin e Ohrit.
Sekreti dhe mënyra originale për ta punar mjeshtërisht dhe plot finesë, Perlën e Ohrit, mbeten “fshehtësi” dhe traditë familjare, trashëguar brez pas brezi. Familja Talevi, tanimë konsiderohet si një prej të paktave familje që e ruan me fanatizëm e përkushtim këtë traditë, bashkë me recetën unike për prodhimin e kësaj bizhuterie kaq të bukur, femërore dhe të sofistikuar.
Ohridi është perla origjinale e liqenit të Ohrit dhe sekreti i sa, ruhet prej gati një shekulli. Kjo bizhuteri të rrallë, për veçoritë specifike të perlave që punohen në mënyrë artizanale, gjendet vetëm në qytetin e Ohrit.
Nëse vizitoni pazarin e vjetër të qytetit, mund të dëgjoni shumë histori për perlën e rrallë, e quajtur Ohrid./Konica.al
VAZHDO TË LEXOSH MË TEPËR PËR TEMËN
100 vite nga Lufta e I Botërore në Shqipëri
‘’Via Egnatia’’ mrekullia mitike e Shqipërisë
Ohri propozohet si trashëgimi në UNESCO
