MENU

Përpjekjet e presidentit

Italisë i duhet më shumë kohë për një qeveri të re

24.08.2019 - 13:27

Presidenti i Italisë ka zgjatur kohën e nevojshme për të formuar një qeveri të re.

Sergio Mattarella ka folur me udhëheqësit kryesorë politikë gjatë dy ditëve të fundit në një përpjekje për të gjetur një shumicë për një aleancë të re. Përpjekjet vijnë pasi Kryeministri Giuseppe Conte dha dorëheqjen të martën (20 gusht), duke i dhënë  fund një koalicioni midis partisë Lidhja të Matteo Salvini dhe populistëve të majtë, Lëvizja Pesë Yjet.

Mattarella pritej të bënte një njoftim në lidhje me një qeveri të re të enjten në mbrëmje. Por, në vend të kësaj, ai tha që bisedimet do të vazhdojnë deri të martën e ardhshme.

Më parë, Salvini bëri thirrje për zgjedhje të reja pas një takimi me Mattarella, duke argumentuar se Italia nuk mund të lejojë të humbasë kohën me një “qeveri që grindet”.

Salvini, i cili ishte ministri i brendshëm i Italisë deri në dorëheqjen e Conte, gjithashtu la të kuptohet se ai do të konsideronte një aleancë të re me Lëvizjen Pesë Yje, nëse do të ishte në favor të një “buxheti të guximshëm”. “Nëse ata duan ta bëjnë vendin të lëvizë përsëri ne jemi të gatshëm ta bëjmë këtë” tha ai.

Më parë, edhe udhëheqësi i Forza Italia, Silvio Berlusconi bëri thirrje për zgjedhje të reja në Itali, dhe tha se një koalicion midis Lëvizjes Pesë Yje dhe Lëvizjes Demokratike, propozuar nga ish kryeministri Matteo Renzi, do të ishte një tradhti ndaj votuesve italianë.

Mattarella u takua me Salvinin dhe Berlusconin pas një takimi me kreun e Partisë Demokratike, Nicola Zingaretti, dhe Luigi di Maio, udhëheqësin e Lëvizjes Pesë Yje. Takimet po zhvillohen për të gjetur një zgjidhje për krizën më të fundit politike të Italisë.

Salvini, po shpreson se zgjedhjet do ta lejojnë atë të bëhet kryeministër.

VAZHDO TË LEXOSH MË TEPËR PËR TEMËN


Financimet e paligjshme nga Rusia

“Russiagate”, Conte i del në mbrojtje Salvinit

"Objektivat për 2019 janë përcaktuar"

Italia nuk ka pse të ndryshojë planet e veta…