Sarri humb startin dhe përballjen me të shkuarën

Maurizio Sarri nuk do të jetë në pankinë e Juventusit për dy ndeshjet e para që bardhezinjtë do të luajnë në sezonin e ri, që janë konkretisht dy ndeshjet e ‘Seria A’ kundër Parmës dhe Napolit.

Arsyeja është se trajneri Italian po kalon një problem shëndetsor në mushkëri, me mjekët të cilët e kanë diagnostifikuar me pneumoni.

Për këtë arsye klubi kampion i Italisë me anë të një postimi në rrjetet sociale ka njoftuar zëvendësin e Sarrit që do të drejtojë ekipin në këto ndeshje.

Ai do të jetë Giovanni Martusciello, trajneri i dytë i ekipit dhe njëkohësisht ndihmësi i Sarrit.

Në dy sezonet e mëparshme Martusciello ka qenë ndihmësi i Luciano Spalletti-t te Inter, ndërsa më herët ka patuar me Sarri-n te Empoli.