Skandali i Ukrainës që ka pushtuar administratën Trump është bërë çështja e ditës në Uashington. Në Kiev, është shkak për alarm.
Presidenti ukrainas Volodymyr Zelensky mbërriti në New York të hënën për të marrë pjesë në Asamblenë e Përgjithshme të Kombeve të Bashkuara. Por debutimi i tij në skenën botërore tashmë është vënë në pikëpyetje nga një bisedë e 25 korrikut me Presidentin amerikan Donald Trump.
Shumë ukrainas janë të shqetësuar se nga drama politike e SHBA po përfiton fqinji i tyre i fuqishëm, presidenti rus Vladimir Putin.
Në një intervistë për CNN, ish-Ministri i Jashtëm i Ukrainës, Pavlo Klimkin tha se skandali rreth bisedës telefonike po dëmton luftën e Ukrainës kundër Rusisë, e cila pushtoi dhe aneksoi gadishullin e Detit të Zi të Krimesë nga Ukraina në vitin 2014 dhe ka mbështetur separatistët në lindje të vendit.
I pyetur për të hamendësuar se çfarë ka të ngjarë të mendojë Kremlini për skandalin e telefonit Trump, Klimkin tha: “Ata janë përfundimisht janë duke menduar, ‘Hapni shampanjën’,”.
Klimkin i tha CNN se nuk e di ekzaktësisht atë që u diskutua në thirrjen telefonike të Trump. Ai nuk ka parë një transkriptim ose nuk u informua për thirrjen, pavarësisht se mbajti pozicionin e ministrit të jashtëm në atë kohë, sepse ai kishte paraqitur dorëheqjen e tij para thirrjes.
Daria Kaleniuk, një aktiviste antikorrupsion në Ukrainë, bëri një deklaratë të ngjashme. Përfituesja kryesore e skandalit, argumentoi ajo në Twitter, ishte Rusia.
“Edhe Ukraina edhe SHBA janë humbëse,” shkroi ajo në Twitter.
Matthew Chance i CNN dhe Zahra Ullah në Kiev, Ukrainë, kontribuan në këtë raport
VAZHDO TË LEXOSH MË TEPËR PËR TEMËN
Putin bisedon me Zelenskyn për konfliktin në Ukrainë
Pse Perëndimi po ‘bën një sy qorr’ me Zelenskyn?
Një mundësi ‘e artë’ për Ukrainën dhe Zelenskyn
