Ministrja e Shëndetësisë, Ogerta Manastirliu duke folur për Kuvend u ndal tek masat që ka marrë ministria që ajo drejton për ndihmën e ofruar ndaj qytetarëve.
Ajo theksoi se në Spitalin e Traumës dhe në atë të Durrësit kanë marrë ndihmë mjekësore pas dy tërmeteve të fuqishme 150 pacientë.
Lëkundjet e fuqishme të 21 shtatorit krijuan panik dhe frikë te qytetarët, ndërsa një pjesë prej tyre pësuan dëme të konsioderueshme materiale.
“Dua të them se në momentin e parë kur gjithkush vraponte të linte godinat, mjekët qëndruan në krye të detyrës. Është meritë e tyre që përballuan fluksin pas tërmetit. Nuk patëm asnjë jetë të humbur. Spitalet u vendosën në gatishmëri të plotë.
Kanë marrë ndihmë 150 qytetarë të lënduar, pjesa më e madhe morën trajtim te Trauma dhe te spitali i Durrësit. Mbi 1500 thirrje për ndihmë janë pritur nga qendra kombëtare e urgjencës pas tërmetit.Ky shërbim ka qenë në gatishmëri me ambulanca në zonat e prekura nga tërmeti. Solidaritet ka qenë në maksimum edhe nga qytetarët. Është koha që të gjithë të jemi solidarë, që të tregojmë se edhe njëherë mund të ri ngrihemi bashkë për të mos lënë askënd vetëm”-tha ajo.
VAZHDO TË LEXOSH MË TEPËR PËR TEMËN
Tërmeti/ Spiropali: Është detyra jonë të bëjmë diferencën
Kosova ndihmon Shqipërinë pas tërmetit
