Leo Messi është një nga lojtarët më të mirë, jo vetëm në botë momentalisht, por në të gjithë historinë e futbollit.
Argjentinasi prej shumë vitesh tregon në një formë shumë të mirë, teksa Capello në një intervistë ka treguar, se e dinte që Mesi do të kishte një të ardhme të madhe, që kur ai ishte 16 vjeç.
Madje tekniku italian tregon edhe një prapaskenë, teksa thotë se kishte tentuar ta afronte atë te Juventusi:
“Messi është në të njëjtën kategori me Maradonën dhe Pelenë, në kategorinë e gjenive. Ata shpikin gjëra që të tjerët as nuk mund t’i mendojnë, diçka të tillë e kanë në ADN-në e tyre. Leon për herë të parë e kam parë në ‘Trofeun Gamper’, kur unë drejtoja Juventusin dhe përballeshim me Barcelonën.
Aty ishin rreth 90 mijë spektatorë dhe ai ishte vetëm 16 vjeç asokohe. Pas 20 minutave lojë unë iu afrova Rajkardit, dhe i thashë nëse këtë lojtarin e ri mund ta huazonte tek ne, për Mesin. Ai shkëlqeu në fushë dhe, nuk isha vetëm unë që e kuptova se ishte një gjeni. E dija se Rajkard kishte në skuadër tre të huaj dhe nuk mund të fusnin edhe një tjetër të huaj në listë. Por trajneri i Barçës më tha të mos mërzitesha, pasi do t’ia gjenin edhe një vend argjentinasit. Tentova ta merrja, por katalanasit gjithashtu kishin intrigat e tyre.”, u shpreh Capello.
Mesi vazhdon të magjepsi botën me aftësitë e tij, por këtë sezon nuk e ka nisur në mënyrë të mirë pasi është kushtëzuar nga dëmtimet e shumta.
VAZHDO TË LEXOSH MË TEPËR PËR TEMËN
Zyrtare/ Juventusi rikthen ish-mbrojtësin bardhezi
Juventus-PSG/ Shkëmbim lojtarësh në Janar!
