Më 29 dhjetor 2013, Michael Schumacher pësoi aksidentin tragjik me ski dhe sot e kësaj dite ndodhet në gjendje kome. Kanë kaluar 6 vjet nga aksidenti, legjendës së Formula 1 që ende ndodhet në fazë rehabilitimi.
Ndërkohë që e gjithë bota vazhdon të mbështesë e inkurajojë 7 herë kampionin e botës, në pistat e garave me makina ka nisur të shkëlqejë djali i tij, Mick Schumacher, që aktualisht garon në Formula 2 me makinën italiane Prema.
Menaxherja e njohur e Michael Schumacher, Sabine Kehm, tashmë ka marrë në dorë karrierën e djalit të tij, Mick, të cilin po e promovon:
“Jam e sigurt se Mick do të garojë në Formula 1. Ndoshta në vitin 2021, kur hyjnë në fuqi edhe rregullat e reja. Kalimi i tij do të ndodhë herët a vonë dhe jo vetëm kaq.
Jam e bindur se Mick do të tregojë se vlen po aq sa babai i tij. Mick ka në genet e tij të njëjtën aftësi pilotimi si Michael, po punon shumë dhe do të bëhet kampion bote si babai i tij”.
VAZHDO TË LEXOSH MË TEPËR PËR TEMËN
“Nder kur më krahasojnë me babanë tim”
Mick Schumacher është gati për Ferrarin
