Pas Aston Villa-s një natë më parë, janë mësuar edhe tre skuadrat e tjera gjysmëfinaliste të Carabao Cup. Manchester City fitoi 3-1 në fushën e Oxford, ndërsa United mposhti 3-0 në shtëpi Colchester.
Të besuarit e Pep Guardiola-s kanë bërë detyrën ndaj skuadrës inferiore, duke mos lejuar të ketë asnjë surprizë. Ishte Cancelo ai që ka zhbllokuar rezultatin me golin e parë me fanellën e City-t.
Taylor ka barazuar përkohësisht për vendasit pas pushimit, por Sterling kalon sërish në avantazh të tijtë. Sulmuesi i përfaqësueses angleze ka shënuar dy gola në 20 minuta, duke vulosur fitoren dhe kualikimin për miqtë.
Ndërsa Manchester United i ka realizuar të 3 golat në pjesën e dytë, në harkun kohor të 10 minutave. Rashford në 51’, një autogol në 56’ dhe Martial në 61’ zgjidhën gjithcka për vendasit.
Ndeshja e tretë mes Everton dhe Leicester përfundoi 2-2, ndaj ishin penalltitë ato që përcaktuan gjysmëfinalistin. Leicester kalon më tej falë portierit Schmeichel.
