I ardhur vetëm një vit më parë në skuderinë Ferrari, Charles Leclerc ka rinovuar sot kontratën me makinën italiane deri në vitin 2024.
Piloti monogask do të garojë kështu edhe për 5 sezone të tjera me “kokëkuqen”. Në sezonin e tij të parë me Ferrarin, 22-vjeçari arriti 2 fitore dhe 7 “pole position”, duke u klasikuar më mirë se shoku i tij i skuadrës, Sebastian Vettel.
Sipas mediave italiane, Leclerc do të përtojë 9 milionë euro në sezon, 3 herë më shumë nga paga aktuale. Një dhuratë e bukur për Krishtlindje kjo për Leclerc, që këtë sezon nuk zhgënjeu në paraqitjen e tij të parë me makinën italiane.
Rezultatet në pistë duket se kanë bindur drejtuesit e “kokëkuqes” t’i rinovojnë kontratën pilotit, që konsiderohet si e ardhmja e Formula 1.