Rritja ekonomike siguron përfitime të gjera dhe thelbësore. Kur rritja është e fortë, të ardhurat shtëpiake rriten, gjithashtu dhe pagat rriten. Bëhet shumë më e lehtë për të balancuar buxhetet dhe për të përmbushur nevojat e anëtarëve më të varfër të shoqërisë. Rritja e përgjithshme ekonomike nuk garanton që të gjithë në një ekonomi do të jenë më mirë, por ndihmon.
Rritja e fortë ekonomike, nga ana tjetër, vjen nga dy burime, rritja e fuqisë punëtore dhe rritja e prodhimit për punëtor (dmth produktiviteti i punës). Trendi demografik në ekonomitë e përparuara ka qenë drejt niveleve të ulëta të lindjeve duke çuar në një rritje më të ngadaltë të popullsisë dhe të forcës së punës, me plakjen e popullsisë ndërsa rritja e saj ngadalësohet.
Emigracioni mund të plotësojë rritjen e popullatës vendase, por kjo mund të krijojë strese sociale dhe probleme politike. Në ekonomitë e përparuara, rritja e fuqisë punëtore është shumë më e ngadaltë sesa në të kaluarën, veçanërisht në Japoni por edhe në Gjermani dhe Shtetet e Bashkuara, me një ndikim negativ në shkallën e rritjes së të ardhurave kombëtare.
Me një rritje të ngadaltë të forcës së punës, kjo lë produktivitetin si shtytësin kryesor të rritjes së përgjithshme ekonomike dhe, për fat të keq, edhe ai është ngadalësuar. Rritja e produktivitetit në Shtetet e Bashkuara ka qenë e ngadaltë që nga fillimi i viteve 1970, përveç një periudhe në fund të viteve 1990 dhe fillim të viteve 2000.
Japonia dhe Gjermania patën një rritje shumë më të shpejtë në vitet 1970, por ritmet e tyre të rritjes kanë rënë ndjeshëm që nga atëherë. Me ngadalësimin e rritjes në Kinë, tendenca e rritjes së indeksit për ekonominë totale botërore gjithashtu është ngadalësuar.
Modeli i rritjes së produktivitetit në tre ekonomitë më të mëdha ‘të pjekura’, Shtetet e Bashkuara, Japonia dhe Gjermania, është në fokus të këtij projekti. Ka pasur shumë përpjekje për të kuptuar pse rritja ka qenë kaq e ngadaltë vitet e fundit, dhe ndërsa ekzistojnë disa dëshmi sugjeruese dhe interesante se cilat faktorë mund të jenë në punë, nuk ka asnjë shpjegim konsensual për modelin e rritjes së ngadaltë që është e përhapur si nga vend dhe nga industria.
Ky projekt do të shqyrtojë të dhënat për rritjen e produktivitetit në të tre ekonomitë, duke parë të dhënat e përgjithshme, të të gjithë ekonomisë dhe në industri të ndryshme. Të dhëna për rritjen e punës dhe produktivitetin total të faktorëve janë në dispozicion, plus vlerësimet e niveleve krahasuese të produktivitetit në të tre ekonomitë.
Këto të dhëna mund të hedhin dritë mbi natyrën e ngadalësimit të rritjes së produktivitetit dhe mund të ndihmojnë në ndarjen e shkaqeve të saj. Megjithëse këto rezultate mund të udhëzojnë masa të politikave të hartuara për të përmirësuar shkallën e rritjes së produktivitetit, nuk ka asnjë garanci që shkaqet e ngadalësimit do të zbulohen.
/Përkthyer dhe përshtatur për Konica.al nga Brookings
VAZHDO TË LEXOSH MË TEPËR PËR TEMËN
10 ekonomitë më të mëdha në botë për vitin 2018
5 mësime nga kriza greke
