MENU
klinika

Studimi

Kujdes! Sheqeri ndikon në cilësinë e gjumit

25.01.2020 - 12:36

Kujdes nga sheqeri. Deri më tani të gjithë e dimë se sa ushqim duhet të hahet dhe të kemi kujdes me  dietën tonë.

Biskotat e mëngjesit, një lugë për të ëmbëlsuar çajin ose kafenë. Sa herë, brenda një dite,kemi të bëjmë me sheqerin, shpesh duke rrezikuar ta konsumojmë në sasi të tepërt?

 

Shumë sheqer mund të çojë në shtim në peshë, por gjithashtu mund të shkaktojë prishje të dhëmbëve dhe të rrisë rrezikun e diabetit. Por ka edhe më shumë. Është zbuluar se ajo gjithashtu ka një efekt tjetër negativ: ndikon në cilësinë e gjumit të natës dhe kur flini keq, dëshira për sheqer rritet.

Një rreth vicioz,  për tu mbajtur nën kontroll.

 

Një studim i vitit 2016 zbuloi se njerëzit në një dietë të pasur me sheqer kanë tendencën të flenë më pak thellë dhe të shfaqin shqetësime më të mëdha gjatë natës.

Sipas Dr. Michael Breus – një psikolog amerikan  që specializohet në shqetësimet e gjumit – shumë sheqer sjell një tendencë për të ngrënë më shumë gjatë ditës sepse nivelet e sheqerit në gjak janë të pakontrollueshme. Kjo ndikon negativisht në gjumë dhe gjumi i ndërprerë, nga ana tjetër, do të prodhojë një dëshirë edhe më të madhe për sheqer ditën tjetër ».

kolana e librave

 

“Kur hani sheqer, nivelet e gjakut rriten dhe pankreasi lëshon insulinë, e cila ndihmon për të rikthyer sheqerin në qelizat. “, thotë dietologu Aleks Evans. «Konsumimi i sheqerit vonë natën vepron si stimulues. Siguron energji dhe na bën të gatshëm për aktivitetin, i cili nuk është saktësisht ajo që ne do të donim të bënim natën ».

 

Në organizmin tonë ekziston një impuls biokimik që na shtyn të hamë më shumë sheqer. Kur trupi e kupton që burimet për të mbajtur janë të pakta, kërkon diçka që vepron si mbështetje. Një nga mënyrat  është të hani ëmbëlsirat. Sepse ne e ndiejmë që ato janë në gjendje të na mbështesin.

 

Kështu që ju duhet të jeni shumë të kujdesshëm dhe pa dyshim të preferoni ato ushqime që janë të pasura me fibra. Buka e grurit dhe patatet mund të ndihmojnë. Ato lëshojnë sheqerin për një periudhë shumë më të gjatë. Pankreasi ynë gjithashtu do të na falënderojë: do të funksionojë më pak.

Ju gjithashtu duhet të hani mirë gjatë ditës, duke filluar me një mëngjes të mirë, vetëm për të kundërshtuar nivelet e luhatshme të sheqerit në gjak. Dhe natyrisht, bëni aktivitet fizik rregullisht.