Sonte, në orën 18:00, do të luhen ndeshjet miqësore mes yjeve të Shqipërisë, Greqisë, Italisë dhe Turqisë, ku të ardhurat nga biletave biletat do të shkojnë për familjet e prekura nga tërmeti.
Trajneri i veteranëve të Italisë do të jetë Gianni De Biasi. Në një intervistë për “Supersport”, ish-trajneri i Shqipërisë ka pohuar se i është përgjigjur menjëherë ftesës…
“Sa herë më jepet rasti për të ndihmuar personat në nevojë, jam gjithmonë i gatshëm, e kam në personalitetin tim të jem pranë personave që kanë probleme, si ata që kanë humbur njerëzit e dashur apo edhe banesat e tyre.
Kur më telefonoi Lila, isha i gatshëm, madje edhe me ndërmjetësimin për të sjellë lojtarë të njohur Italianë. Lidhja ime me Shqipërinë është e jashtëzakonshme dhe nuk do të shuhet kurrë, sepse Shqipëria dhe shqiptarët kanë një rëndësi të veçantë për mua.
Sa i përket një rikthimi të mundshëm, unë them që në jetë kurrë mos thuaj kurrë. Marrëdhënia që unë kam me tifozërinë është shumë e pastër dhe besoj se më duan, sepse e kanë kuptuar sa i sinqertë kam qenë në raport me ta. Nuk do të luaj, kam shumë vite që nuk luaj, kështu që më mirë të mos jem në fushë” – u shpreh De Biasi.
VAZHDO TË LEXOSH MË TEPËR PËR TEMËN
De Biasi, thirrje për të mbledhur fonde
