Edhe pse burrat dhe gratë mund të kenë të njëjtat sëmundje me simptoma të ngjashme, disa nga këto sëmundje ndikojnë tek ato ndryshe.
Gratë madje mund të ndjejnë më shumë simptoma ndonjëherë dhe disa sëmundje mund të prekin më rëndë burrat. Kjo është gjithashtu një nga arsyet pse jetëgjatësia e tyre është e ndryshme.
Ne tani do t’ju njohim me 8 sëmundje që prekin burrat dhe gratë në mënyra të ndryshme.
Humbja e flokëve
Burrat kanë më shumë të ngjarë sesa gratë të humbasin flokët kur plaken. Burrat humbasin flokët në të njëjtin model. Kjo ndodh sepse testosteroni i burrave ka një ndikim më të madh në flokët e tyre. Testosteroni shndërrohet në dihidrotestosteron, i cili është një hormon që nxit flokët të bëhen më të shkurtër dhe më të hollë.
Humbja e flokëve për burrat mund të fillojë në të 20-tat e tyre. Me gratë, mund të mos jetë e dukshme deri në vitet ’50 ose ’60 të tyre dhe humbja e flokëve të grave ka të bëjë më shumë me gjenet ose gjendjet mjekësore.
Aknet
Gratë përjetojnë më shumë puçrra gjatë periodave dhe menopauzës, pasi niveli i tyre i hormoneve është i ndërprerë. Të dy gjinitë mund të kenë puçrra që nga fëmijëria në moshën madhore, por tek burrat zakonisht zgjat më shumë pasi prodhojnë më shumë sebum, që është substanca vajore përgjegjëse për puçrrat.
Skleroza e shumëfishtë
Skleroza e shumëfishtë është 2 deri 3 herë më e zakonshme tek gratë sesa tek burrat. Sidoqoftë, shpesh është më e rëndë te burrat sesa tek gratë. Kur bëhet fjalë për formën e saj përparimtare, e njohur si skleroza e shumëfistëh progresive parësore (PPMS), duket se numri i burrave mund të jetë më i lartë se i grave.
Osteoporoza
Gratë kanë 4 herë më shumë të ngjarë të zhvillojnë osteoporozë sesa burrat. Gjendja shihet kryesisht tek gratë mbi 50 vjeç. Kjo ndodh sepse eshtrat e grave janë më të lehta dhe më të holla dhe gjithashtu sepse ato kanë një jetëgjatësi më të gjatë.
Goditja në tru
Rreth 55,000 gra më shumë, sesa burra, do të kenë goditje në tru. Më shumë gra se burra vdesin nga goditjet në tru çdo vit. Edhe pse burrat dhe gratë ndjejnë të njëjtat simptoma të goditjes, gratë gjithashtu mund të ndjejnë manifestime shtesë dhe të ndryshme, të tilla si: vështirësi në frymëmarrje, halucinacione, ligështim, të vjella.
Sulmi në zemër
Burrat dhe gratë mund të përjetojnë presion në gjoks që duket sikur kanë një elefant të ulur në gjoksin e tyre kur ata kanë një sulm në zemër. Sidoqoftë, gratë mund të kenë një sulm në zemër pa e ndjerë këtë presion në gjoks. Në vend të kësaj, ata mund të ndiejnë presion ose dhimbje në pjesën e poshtme të gjoksit ose në pjesën e sipërme të barkut, gulçim, marramendje, ligështim dhe lodhje ekstreme.
Depresioni dhe ankthi
Gratë përjetojnë depresion dhe ankth më shpesh se burrat. Kjo ndodh, sepse gratë përjetojnë gjëra që burrat zakonisht nuk i pranojnë, si për shembull: shkeljet me bazë gjinore, disavantazhet socio-ekonomike, pabarazia e të ardhurave dhe një status shoqëror i varur.
Për më tepër, gratë gjithashtu kanë lloje depresioni që burrat nuk do t’i përjetojnë kurrë. Për shembull, gjatë shtatëzënësisë, periudha pas lindjes, perimenopauza dhe cikli menstrual.
Infeksioni i traktit urinar
Infeksionet e traktit urinar (UTI) janë më të zakonshme tek gratë sesa tek burrat sepse uretra e grave është më e shkurtër dhe bakteret duhet të udhëtojnë në një distancë më të shkurtër. Nga ana tjetër, gjendja është më e komplikuar tek burrat, pasi infeksionet shpesh kanë të bëjnë me bllokimin e rrjedhës së urinës, sesa me bakteret.
VAZHDO TË LEXOSH MË TEPËR PËR TEMËN
‘Gripi shkaktohet nga viruse dhe jo nga bakteret’
