Presidenti iranian paralajmëroi të mërkurën se ushtarët evropianë në Lindjen e Mesme “mund të jenë në rrezik” pasi tre kombe sfiduan Teheranin lidhur me kufijtë e marrëveshjes së tij bërthamore.
Diplomati i lartë i Teheranit ndërkohë pranoi se iranianët “u gënjyen” për ditë të tëra pas rrëzimit aksidental të një avionisti ukrainas që vrau 176 njerëz.
Komentet e Presidentit Hassan Rouhani përfaqësojnë kërcënimin e parë të drejtpërdrejtë që ai i është bërë Evropës pas tensioneve midis Teheranit dhe Uashingtonit mbi Presidentin Donald Trump, pasi SHBA u tërhoq nga marrëveshja në maj 2018.
Tensionet e tanishme midis Iranit dhe SHBA-së u shtuan dy javë më parë me sulmin e dronit amerikan në Bagdad që vrau gjeneralin e fuqishëm të Gardës Revolucionare Qassem Soleimani.
Gjenerali kishte udhëhequr forcat iraniane jashtë vendit, përfshirë ata që janë përgjegjës për sulme vdekjeprurëse me bomba në rrugë në Irak.
Irani u kundërpërgjigj me një sulm balistik që shënjestroi bazat ushtarake Irakiane që strehonin forcat amerikane të mërkurën e kaluar, pak para se një bateri kundërajrore të rrëzonte aeroplanin ukrainas.
Mes gjithë kësaj, Britania, Franca dhe Gjermania filluan të ashtuquajturin “mekanizëm mosmarrëveshjeje” që i përket marrëveshjes bërthamore të Iranit 2015 me fuqitë botërore.
Duke folur para kabinetit të tij, Rouhani tregoi një zemërim të rrallë.
“Sot, ushtarët amerikanë janë në rrezik, nesër ushtarët evropianë mund të jenë në rrezik,” tha Rouhani. “Ne duam që ju të largoheni nga ky rajon, por jo me luftë. Kjo është në dobinë tuaj.”
Rouhani veçmas kritikoi fjalët “e pabaza” të Evropës në lidhje me marrëveshjen bërthamore.
Irani kishte qenë duke kërkuar që Evropa të ofronte një mjet me të cilin Teherani mund të shesë naftën e tij jashtë vendit, pavarësisht sanksioneve të SHBA.
VAZHDO TË LEXOSH MË TEPËR PËR TEMËN
“Lufta me Iranin, nëna e të gjitha luftërave”
Erdogan-Putin-Rouhani, së shpejti samiti i pestë për Sirinë
15 miliardë dollarë “kredi” për Iranin?
